BONITO DE BURELA Ó FORNO SOBRE PIPERADA CON VERDURIÑAS EN SALSA VIZCAINA CON AMENDOAS

Pois nestes días como vos dixen, vou a seguir falando do Bonito de Burela, xa que me merece un respeto.
Este prato ainda que ten un nome moi longo e moi doado de facer.
Empezaremos por facer a salsiña do prato, e mais a piperada, é o que mais tempo leva, pero que ben merece  a pena.
Eu para facer a salsa Vizcaina vou a empregar, aceite de oliva suave, o óso do xamón serrano ou de bellota, que sempre termina por xogar o can con el na eira, eu non lle dou eses privilexios, sempre os gardo para cociñar, ( ós cans din que lle gustan os ósos pero eu creo que lles gusta mais a carne jejeje), pois o óso vouno a dourar nun pouco no aceite para que me solte o sabor nel, logo retiro e engadolle allos machacados, cebola do país e cebola vermella, ei de intentar que me colla unha cor dourada, pero sin que chege a queimarse, pan reseso do día anterior, a carne dos pimientos choriceiros que previamente os deixei a inchar en auga, xa que veñen secos, e un pouquiño de fumet de peixe. Deixamos que se cociñe todo por un espazo de 25 minutos aproximadamente e pasamos todo por un esmagapurés moi fino, de aí nos ben esta fantastica salsa que tan empregada e sobre todo na cociña vasca.
Bueno agora a Piperada, aceite de oliva, allo, cebola, pimiento vermello e verde, todo picado en xuliana non moi fina,folliña de loureiro, salsa de tomate e que cociñe. cando este ben cociñada e cando nela saltearemos uns verduriñas que previamente xa cocera ó dente, cenoura, calabaciño e xudias.
O Bonito unha vez deslomado corto uns anacos gordos e xenerosos, salgareinos e marcareinos a prancha ou nunha sarten, poñereinos encima da salsa vizcaina e metereinos uns 3 minutos ó forno fuerte. Quero que quede moi xugoso por o centro, caseque crú.
A montaxe do prato sera tamen moi sinxela, a piperada coas verduriñas no centro, logo encima poreille os medallons de bonito que xa levarán salsa suficiente, mancharei o prato con un pouquiño mais de salsa, unhas patacas cocidiñas e poreille unhas amendoas laminadas que xa foran tostadas antes ó forno.
Sen mais, e outra variante que ofrezo, eso si, moi importante que nos saquemos da cabeza que é un peixe seco, temos que cociñalo moi pouco, desta forma conseguiremos que teña unha textura moi boa.